I dag er det Sonndag, så snakker vi dansk på Island
Mig langar að vera hnyttin og skemmtileg...
En líkamleg vanlíðan er alveg að koma í veg fyrir það. Helvítis flensufaraldur alltaf hreint. Ja, for helvede!
Nú, annars heyrir ekki mikið til tíðinda, held ég slengi bara upp einskonar upptalningu (eitthvað sem þarfnast lítillar hugsunar sjáiði til):
Hvað er með greinina á forsíðu DV í dag? Stupid icelandic people, og ég leyfi mér að vitna í Dísuna mína; if I had my gun right now, I'd show them a thing or two....!
Hvað er með próftöfluna? Er þetta eitthvað grín? Stupid University people, if I had Dísa's gun right now, I'd show them I thing or two!
Hvernig fór Óskarsverðlaunahátíðin svona algjörlega framhjá mér? Hvar er ég búin að vera....
Hvernig kemst maður inná Vog? Eru umsóknir á netinu? Þarf maður meðmælendur? En mótmælendur? Hvernig er ofdrykkja mæld? í prósentum? í lítrum? Bæði? Jú, annað væri náttúrulega rugl.
Hef ekki meira að segja í bili.
posted by Lesstofudvergurinn @ 2.3.05
3 Comments:
Elsku skvísa.. hefur alla mína samúð í sambandi við flensuna.. helv..pest.. besta ráð við því er að liggja í rúminu.. sem er ekki spennandi en áhrifaríkt :)
Háskólinn hefur löngum ekki haft áhuga á því að okkur farnist vel í námi.. kemur slæm próftafla svo verulega að óvart..
Nú datt inn á þessa fínu síðu varðandi síðasta vandamálið sem þú veltir upp..
ertu í vanda:
http://www.saa.is/default.asp?sid_id=9732&tre_rod=001|005|001|&tId=1
hófleg drykkja : http://www.saa.is/default.asp?sid_id=9636&tre_rod=001|005|003|&tId=1
Sjálfspróf:
http://www.saa.is/default.asp?sid_id=9714&tre_rod=001|005|002|&tId=1
internetið.. got to love it ;)
Þú ert náttúrulega bara snillingur Rannveig Stefánsdóttir!!
Fimmtán félagasamtök stóðu að athöfn á Arnarhóli fimmtudaginn 10. mars sl., þar sem viðvera og félagsskapur nokkurra fyrrum fastagesta Lögbergs voru jarðað á táknrænan hátt. Á annað hundrað manns tóku þátt í athöfninni en Hákon Zimsen, framkvæmdastjóri Lögbergsdeildar Amnesty International, flutti stutta tölu og að henni lokinni lagði fólk rósir við legstein sem á var ritað: Hér hvílir stud.juris domus – hann ákvað að læra heima. Ávarp Zimsens er hér birt í heild sinni.
Hingað og ekki lengra, þið lærið ekki lengur heima.
Við erum hér saman komin til að jarða í eitt skipti fyrir þá félaga okkar sem eru orðnir „2 cool 4 school, og eru hætti að læra í Lögbergi. Yfirvöldum ber skylda til að tryggja vernd laganema gegn hvers konar misrétti og ofbeldi. Ef sú vernd er ekki tryggð gerast yfirvöld sek um samþykki.
Við berum öll ábyrgð og það er í okkar höndum að binda endi á flótta úr lesstofu Lögbergs og tryggja að enginn komist upp með slíkt ofbeldi. Svo lengi sem fólk getur lært heima hjá sér, án þess að þurfa að óttast ákæru eða refsingu, mun vítahringur ofbeldisins ekki verða rofinn.
Við erum samsek vegna þess að flóttinn er afsakaður og látinn viðgangast.
Við leyfum yfirvöldum að láta undir höfuð leggjast að draga flóttamenn til saka.
Stud.juris domus eru lattir til að hefja aftur lestur á lesstofunni, vegna þess að skólakerfið er gegnsýrt þeirri hugsun að þeir séu sjálfir ábyrgir fyrir lestri sínum, að þeir hafi verið ,,hvattir til" flóttans eða ,,komið honum af stað" með hegðun sinni.
Við erum ábyrg vegna þess að flóttinn er einkamál, vegna þess að sambúðin hefur verið stormasöm, vegna þess að heimalestur á sér stað á heimilinu.
Við lítum undan og skiptum okkur ekki af. Þetta er þeirra mál. Við slökkvum ljósið, drögum sængina yfir höfuð, þá heyrum við ekki ópin og dynkina af efri hæðinni.
Við segjum við vini okkar, þetta hlýtur að batna, bíddu bara, þú þarft ekki að lesa í Lögbergi, ekki gera meira úr þessu.
En síðar þegar vinurinn þarf að fara á sjúkrahús. Því eftir einn lesturinn eyðilögðust nýrun og hann þarf að lifa við heilsuleysi það sem eftir er. Þá spyr maður sig ,,hvers vegna var ég svo blindur?" Þetta var ekki hans einkamál, þetta var ekki heimilislestur, þetta var ekki stormasöm kennslubók, .....þetta var gróft mannréttindabrot.
Og hann er ekki einn, þeir eru margir, þeir búa í öllum hverfum borgarinnar, koma úr öllum stéttum, þeir hafa mikla menntun og þeir hafa litla menntun og þeir eru á öllum aldri. En þeir eru allir hræddir, hræddir við manninn á lesstofunni, hræddir á eigin Lögbergi, hræddar af því að öllum er sama og allir eru þreyttir á því að heyra af erfiðleikunum.
Í dag minnumst við allra þeirra stud.juris domusa sem eru ekki lengur á meðal okkar. Sumir sviptu sig lífi, aðrir urðu öryrkjar, enn aðrir sögðu hingað og ekki lengra og mynduðu samtök gegn ofbeldinu og veittu þessum laganemum skjól (lesstofa Lögbergs, 2. hæð).
Skjólið skipti máli, en enginn þessara nemenda hlaut þá vernd sem stjórnvöld og dómstólar eiga að veita, fáir fengu skaðabætur. Flóttinn var aldrei viðurkenndur.
Við minnumst í dag forfeðra okkar og heiðrum minningu þeirra. Sorg þeirra, vonbrigði og kvöl var mikil en kjarkur þeirra var meiri.
Um leið og við minnumst þeirra horfum við til framtíðar, framtíðar þar sem flótti af lesstofunni og lestur á heimilum er viðurkennt sem gróft mannréttindabrot. Brot sem verður að taka á, refsa fyrir og tryggja þeim sem verða fyrir slíkum brotum skaðabætur.
Við horfum fram á veginn með þekkingu formfeðra okkar, þekkingu þeirra sem flúið hafa og vilja til að segja hingað og ekki lengra.
Þið hættið að vera 2 cool 4 school ......
Réttlætið þolir ekki frekari bið, þetta snýst um líf og dauða. Heimilislesturinn og heimilslestrarógnin skal ekki lengur takmarka líf laganema og hindra lífsgæði þeirra.
Það er í okkar höndum að breyta. Flóttinn kemur okkur öllum við.
Tileinkað Dezu, Wölu og öðrum laganemum sem fallið hafa í flótta frá lesstofunni. Ykkar verður minnst að eilífu.
Post a Comment
<< Home