Hvað felst í því að hegða sér eins og maður?

Ólöglegur innflutningur fíkniefna?
Sambönd við mafíuna í Litháen?
Ekki að aðstoða vin sinn í vanda?
Þátttaka í líkflutningi?
Þátttaka í að fela lík?
Aðstoð við að stinga mann 5x, eftir að hann er dáinn, svo hann finnist síður?
Að vera bara alltaf í göngutúr?
Gleymist þetta allt ef maður aðstoðar svo bara lögregluna við að upplýsa verknaðinn? Ef þú hegðar þér eins og maður við rannsókn og málsmeðferð, skipta fyrri afglöp engu.... annað er náttúrulega fáránlegt svo ég vitni beint í Grétar Sigurðarson, einn sakborninga (nú dómfellda) í líkfundamálinu.
Hinsvegar fyrirgefur sú hegðun Grétars svo gott sem allt að eftir að honum mistókst að lífga manninn við "fór hann að biðja fyrir honum og gleymdi sér svo um stund..."
Einmitt.
Hvað ætli nýji Páfinn segi um þetta mál? Er hann kannski bara upptekinn við að stöðva kynferðislega misnotkun á börnum innan kaþólsku kirkjunnar, í kyrrþey, og ákveða til hvers hann er að vísa með því að velja sér nafnið Benedikt XVI?
Já, maður spyr sig.