Reifhátíðin Dúddi 2005 - MYNDIR

Kirkjubæjarklaustri helgina 22.-24. júlí.

Reifhátíðina í ár var fjölskipuð fulltrúum minnihlutahópa víðsvegar af landinu: þarna mátti finna Rauðhærða, Geðsjúka, Dverg/a (samt ekki Rauðhærðan, Geðsjúkan Dverg, vóhó, talandi um að eiga engan séns í lífinu), Homma, Konur, Dreifara og Laust. Hátíðin í ár var styrkt af Bakkusi, Seðlabankanum og Sólinni. Sá allra rauðhærðasti í hópnum var þó sponseraður af Ogvodafone, sem þekkt er fyrir að vera vinur litla mannsins. Þeir útveguðu kallinum tjald og tjaldstól svo eitthvað sé nefnt.

Tjaldbúðirnar risu hratt. Tjaldað var á sama svæði og þar sem útihátíðin Uxi ’95 var haldin. Þið vitið, svæðið rétt fyrir utan Kirkjubæjarkalustur þar sem hljómburðurinn er alveg eins og í Fjölskyldu – og húsdýragarðinum. Magnað helvíti. Tjöldin voru af öllum stærðum og gerðum. Sumir voru með hina ýmsu varahluti sér til aðstoðar og voru ekkert að stressa sig á smáatriðunum. Spurning um að koma bara með trommusettið á næsta ári. Og nýtt tjald.

Óhætt að fullyrða að Triple G hafi staðið fyrir sínu; Grill Guðjón = Genius, mmmm… takk fyrir mig.

Mr. Isebarn uppgötvaði nýjar hliðar á sjálfum sér, þá sérstaklega hvað hann er ótrúlega metro, sjaldan séð karlmann bera kvenmannstösku af jafn mikilli reisn… svo ekki sé nú minnst á sjalið. Svo er hann líka ótrúlega vel rakaður/reykaður á leggjunum. Hann ætlar að hafa samband við Fazmo á næstunni til að athuga með inngöngu enda eru þeir bara ekkert metro, nei, nei.

Ýmislegt fleira uppgötvaðist í ferðinni. Eins og að Systrakaffeeeh is the numer one hot-spot in Iceland. Þar er hægt að dansa uppá borðum, girða niðrum sig óáreittur, spila Nínu á repeat og kaupa fanta góðan Irish coffee. Hins vegar viss vonbrigði að segja frá því að ég var komin í lopapeysuna, með húfuna og vægast sagt í gírnum þegar reiðarslagið kom; Cosmo var ekki fáanlegur á pleisinu. Don’t panic, what ever you do, don’t panic, bara draga andan djúpt. Það var tímabil þarna sem ég hélt að Kaffi Krókur yrði bara “glataður sveitapöbb” í minningunni en svo var greinilega ekki. Lágmark að selja Cosmo.

Einu commentin frá heimafólki vegna undarlegrar hegðunar útilegumanna voru:

Hvað er málið með Nínu?, og:

Hvað er málið með að girða alltaf niður um sig á almannafæri? Og að flassa lögguna?

Er þetta ekki óþarfi gott fólk..?

Loks er vert að minnast á að shortcut er fyrir aumingja. Sem og vindsængur. Fjallganga um miðja nótt, bheeellekaður, er hins vegar fyrir hetjur.

Heyrðu, svo var þarna gaur sem neitaði að fara úr bolnum alla helgina. Frekar vafasamur og segja má að hann hafi vakið ótta viðstaddra oft á tíðum, þá sérstaklega er hópurinn heimsótti sundlaug bæjarins. Það er lítill drengur á Kirkjubæjarklaustri sem mun aldrei verða samur og sennilega ekki sá eini. (Pabbi, hver er með þennan kút? Ætli það sé ekki þessi þarna í bolnum).

Mental note: ef þú ert að fara í útilegu taktu þá með þér tjald, svefnpoka, tjaldstól og auka sett af bíllyklum! Það síðastnefnda getur verið krúsjalt uppá ferðina heim. Já, og ekki má gleyma húfunni, helst úr lopa. Og rörið í bjórinn. Þá ertu set.

Nauðsynjar fyrir næstu reifhátíð: ofurteip, amerískur fótbolti, brennó, vindsæng með tappa, stuttbuxur, ingredients í Cosmo, sólarvörn og ferðakamar.

Annars var bara eilea ekkert gaman, ekkert drukkið og bara heilt yfir ömurleg stemmning. Partýtjaldið engan vegin að standa fyrir sínu, Meggi Megg glataður á gítarnum og þar af leiðandi ekkert sungið. Já, já, bara allt ömurlegt. Sælir. Hefur sennilega verið svipuð stemmning og á Uxa ’95, mínus allt E-ið. Það allra ömurlegasta af þessu öllu var samt að hoppa í fossinum (þó sumir hafi ekki þorað, höhöm! nefnum engin nöfn, en sumt er bara ekki fyrir smásálir og dverga), já og veðrið. Hreint út sagt glatað veður. Enda var bara kapphlaup í bæinn á sunnudeginum. Einmitt. Meggi Megg sýndi þó af sér afar undarlega hegðun þegar hann var enn á svæðinu þegar fólk fór að skríða út úr tjöldunum. Held barasta að hann hafi verið síðastur í bæinn. Hvað eeeer að frétta?

Fyrir þá sem ekki mættu segi ég bara: NEEEEEEEEEERRRDS!

Myndirnar eru væntanlegar. Þær verða þó færri en vanalega sökum 209. gr. almennra hegningarlaga.