Ástralía - Þýskaland - Svíþjóð

Jæja gott fólk.... blogga oft og stutt? Neeeh...
Well, now that's shot to shit how about aiming for the longest blog in the history of Lesstofudvergurinn? Mazel tov!
Nú eins og glöggir lesendur, nær og fjær, ættu að vita var hún Hlínsa mín í heimsókn hjá mér um síðustu helgi. Fram að helginni gerði ég nú lítið sem ekkert annað en að deyja næstum úr tilhlökkun. Reyndi að læra eitthvað í hausinn á mér sem gekk reyndar vonum framar. Ótrúlegt en satt. Fimmtudagurinn fór að mestu í að dusta rauða dregilinn, pússa silfrið og leyfa rauðvíninu að anda. Skrapp út í pizzu með Boga og Ólafíu um kvöldið og lærði svo fram á nótt.
Föstudagurinn rann upp bjartur og fagur (reyndar var mígandi rigning og rok en fyrri lýsingin á miklu betur við miðað við hversu glöð ég var). Jæja, Ólafía var mætt til mín um 9 leytið, kom við í bakaríi á meðan ég hellti uppá kaffi. Piparkökur og jólalög... mmmmm! Held bara að þetta hafi verið notalegasta morgunstund sem ég hef átt hérna í Leuven. Svo klippti ég hana en hún varð jú að fá jólaklippingu svo hún fari ekki í jólaköttinn.
Kl. 14.00 fór ég í tíma í Constitutional Law og það var án efa lengsti tími í sögu veraldar. Kl. 16.00 sharp (Lee) hjólaði ég sem vindurinn á bleika fáknum uppá lestarstöð þar sem ég beið óþreyjufull eftir öllum lestunum frá Brussel. Um 17.00 mætti skvísan á svæðið og það er ekki laust við að það hafi vottað fyrir tári í hvarmi af ánægju! Já við erum væmnir stelpukjánar. You know you love us.
Við héldum beina leið heim í Penthásið þar sem ég bauð uppá Orange Breezer og kjúlla. Svo höfðum við það bara voða notó. Seinna um kvöldið og þónokkrum bjórum (og hvítvínsflösku....) síðar kíktum við niðrí bæ á College Cocktail bar. Þar fékk Hlín að hitta fjölskylduna, Boga, Ólafíu og Birki, en betri helminginn hafði hún hitt fyrr um kvöldið. Kvöldið enduðum við nú samt frekar snemma enda báðar þreyttar.
Laugardeginum eyddum við í Leuven. Fengum okkur brunch/lunch á Foodmaker, tékkuðum aðeins á búðunum, hleyptum Vidda aðeins úr veskinu til að viðra sig, kíktum eins og einu sinni á Stellu eða svo and did a little sightseeing. Fengum okkur ólífur og kirsuber (hvor ætli hafi fengið sér hvað...? Sá sem giskar á rétt fær pakka um jólin frá mér.. mohahha) Báðum tókst okkur að versla partýdress fyrir kvöldið og matching Caribbean Cruize þema-átfitt. Svo var það heim í sturtu og "tilbúa" sig. Um sjöleytið fórum við á ítalska staðinn og fengum okkur pizzu og hvítvín. Eftir matinn kom Hafdís og við röltum saman í partýið, sem var btw á enda veraldar.... eða hvað finnst þér Hlín? Sko 5 mínútna labb í Leuven er eins og 25 mínútna labb annarstaðar....
Caribbiean Cruize partýið var alger snilld og matching-átfittin slógu heldur betur í gegn. Partýið endaði í bænum og bærinn endaði með fylgd heim af þrískildum þjóðverja að nafni Claus rétt fyrir 7 að sunnudagsmorgni. Myndirnar koma á netið vandlega ritskoðaðar og verða ekki sýndar hverjum sem er. Held samt að þær séu það eina sem nái að lýsa stemningunni sem ríkti.
Við skældumst á fætur, hressar og ferskar (höhömm) um hádegi á sunnudeginum og ég eldaði þynnkumat. Eftir það ákváðum við að kíkja til Brussel á jólamarkaðinn. Já, já, förum ekkert mörgum orðum um þá ferð: Markaðurinn var ágætur, þynnkan var rosaleg, vafflan var ekki alveg að gera nógu góða hluti, þynnkan var rosaleg, kvöldmaturinn var skítsæmilegur miðað við ástand, var ég búnað segja að þynnkan var rosaleg..., írski pöbbinn kom sterkur inn og bíóferðin var belgísk svo ég segi nú ekki meir.
Svo var það heim í háttinn því ferðalangurinn þurfti snemma á fætur til að ná 2 lestum og flugi.
Helgin í heild var alveg frábær. Yndislegt að fá svona góðan gest. Og núna er ekki nema 1 og 1/2 mánuður í að ég skelli mér til Edinborgar í heimsókn til hennar. Jibbíkóla!!
Eftir að hafa fylgt Hlínsunni á lestarstöðina at the crack of dawn á mánudegi tók ég þá upplýstu ákvörðun að fara heim og sofa meira. Það endaði með því að vakna ekki fyrren kl. 15.00. Mjög töff atriði. Mér varð því ekki mikið úr verki þann daginn.

Í gær fór ég í heimsókn í European Court of Justice í Lúxemborg. Það var meiriháttar gaman, bæði að sjá dómstólinn og borgina. Við lögðum af stað kl. 05.30 að morgni með rútu og vorum komin til Lúx um 9 leytið. Eftir öryggistjékk fengum við smá kynningu á dagskrá dagsins og hlýddum því næst á málflutning í máli The Commission vs. Germany (eitthvað varðandi samruna og leyfilegan eignarhluta vegna fyrirhugaðra kaupa Porche á Volkswagen... whatever, málið er ekki til prófs, ég fór bara í ferðina til að tékka á gaurunum sko...65+ á diskinn minn...). Eníhú, eftir málflutninginn talaði prófessorinn okkar, sem er einmitt einn af dómurum Evrópudómstólsins, og svaraði spurningum. Fyrsta spurningin var einmitt sú hvort eðlilegt væri að fólk í réttarsal svaraði spurningum sem dómarar leggðu fyrir málflytjendur, en það er einmitt nákvæmlega það sem gerðist meðan á málflutningi stóð. Kennaranum fannst það frekar fyndið og sagði, tja, nei... ekki mjög algengt, á mínum 18 árum sem dómari hjá Evrópudómstólnum hefur þetta gerst einu sinni. Í dag!! Það er sem ég segi; því sem ég lendi í!! Hvert sem ég fer þá bara er hasar!! Eftir hasarinn fengum við ekki alveg jafn spennandi kynningu á Court of First Instance af einum dómara hans. Um hádegi og vægast sagt orðin hungruð héldum við niðrí miðbæ þar sem við höfðum nokkra klukkutíma í frí. Við gerðum nú ekkert voðalega mikið, borðuðum og röltum um miðborgina en það er ótrúlega fallegt í Lúxemborg. Reyndum aðeins fyrir okkur í Lúxemborgískunni og sóttum um vinnu í KB banka en hvorugt hafði árangur sem erfiði...

Í dag svaf ég yfir mig og mætti of seint í tíma. Eftir tíma fór ég í lönds með norðurlandabúunum. Eftir löndsinn kíktum við á jólamarkaðinn hérna í Levuen sem opnaði í dag og miðað við hann er sko Brussel jólamarkaðurinn bara prump. Leuven jólamarkaðurinn er ótrúlega krúttlegur. Það er svo gaman þegar bærinn lifnar svona við með jólaljósum og húllumhæi. Auk þess sem annar hver bás þarna bíður uppá jólaglögg. Ræærarææ. Sko Leuven er bara klárlega staðurinn skiljiði...! Svo þurfti ég að skunda í bankann og borga leiguna og svo var meiri skóli. Kl. 20.00 þegar við vorum loksins, loksins búin í tíma ákváðum við Hafdís og Birkir að flippa ærlega og fara út að borða. Og nú er minns bara ekki að nenna að fara að læra og er þessvegna að blogga frá sér allt vit... Er þetta ekki að verða komið gott? Er ég búnað ná takmarkinu? Held það bara. Bara eitt enn: Í DAG ERU 8 DAGAR ÞANGAÐ TIL ÉG FER TIL ÍSLANDS. Where we do too have crimes, our own language and our own currency. Yes, laugh all you want but we are fabulous!
Toodles!

P.s. Hlín, þú mátt velja: Ástralía - Þýskaland - Svíþjóð. Ég veit að þér hefur náttlea alltaf langað að koma til Ástralíu en Þýskaland bíður líka upp á ýmsa möguleika og Svíþjóð hefur kostinn að vera svo stutt að fara... en það er u.þ.b. eini kosturinn sem Svíþjóð hefur... mohahaha! Hvað finnst þér?